Plantun de Prouvènço

Pèr coumpara dos planto d'encò nostre

Muscari neglectum & Rumex sanguineus

fotò
fotò
Barralet

Muscari neglectum

Asparagaceae Hyacinthaceae

Àutri noum : Couquiéu, Couguiéu, Pourriòu, Aiet-di-chin.

Noms en français : Muscari en grappe, Muscari négligé.

Descripcioun :
Lou barralet flouris d'ouro à la primo e se recounèis eisa à si flouquet de bèlli flour bluio pu longo que larjo. Li fueio, un pau redouno, soun proun longo e rebalon au sòu ço que permes de lou destria de soun cousin, lou barralet-pichot, Muscari botryoides. Coumpara emé lou barralet-pichot que ié sèmblo proun.

Usanço :
B. Remuzat raporto : "L'a un peÏsan dóu Var que m'a di que, quand èro pichoun, si servié dei barralet pèr tigne en blu leis uou de Pasco". Li cabosso se manjon cuecho en liéume. Èi poussible de tasta li jóuini fueio e li flour.

Port : Erbo
Taio : 10 à 25 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Muscari
Famiho : Asparagaceae
Famiho classico : Hyacinthaceae

Ordre : Asparagales

Coulour de la flour : Bluio
Petalo : 6
Ø (o loungour) flour : 0,5 à 1 cm
Flourido : Printems Ivèr

Sòu : Ca
Autour basso e auto : 0 à 1800 m
Aparado : Noun
Febrié à jun

Liò : Champ - Roucaio - Ermas - Tepiero seco
Estànci : Termoumediterran à Mountagnard
Couroulougi : Eurimediterrano
Ref. sc. : Muscari neglectum Guss. ex Ten., 1842

fotò
fotò
Paciènci(-sanguino)

Rumex sanguineus

Polygonaceae

Nom en français : Oseille sanguine.

Descripcioun :
Aquesto paciènci, pulèu raro au nostre, trachis dins li fourèst fresco, li gaudre e proche d'aigo. Li fueio en cor à la baso, amé un pecou, soun pas acido. Se recounèis subretout à si valvo de fru entiero, pu longo que larjo emé soulamen un couissin desveloupa (au contro de Rumex conglomeratus que n'a tres). Coumpara emé la paciènci-agroumelado, proun coumuno que ié sèmblo proun.

Usanço :
Es estado cultivado en Éuroupo coume liume. S'adoubo coume d'espinarc, pamens fau chanja mai d'un cop l'aigo de couissoun. Ramentan que faudrié pas trop en manja malodi l'acide óussali.

Port : Erbo
Taio : 30 à 90 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Rumex
Famiho : Polygonaceae


Ordre : Caryophyllales

Coulour de la flour : Verdo
Petalo : 3
Ø (o loungour) flour : Pancaro entresigna
Flourido : Printèms - Estiéu

Sòu : Si (Ca)
Autour basso e auto : 0 à 1200 m
Aparado : Noun
Mai à avoust

Liò : Ribiero - Fourèst fresco - Gaudre
Estànci : Termoumediterran à Coulinen
Couroulougi : Éurasiatico
Ref. sc. : Rumex sanguineus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
RR
RR
RR
ges
ges
ges
RRR

Muscari neglectum & Rumex sanguineus

CCC
CCC
CCC
CCC
CCC
CCC
CC
CC

Coumpara Barralet emé uno autro planto

fotò

Coumpara Paciènci(-sanguino) emé uno autro planto

fotò